بقلم /كيرلس يوسف
المجد للشهداء المجد للابطال
لن ننساكم مهما العمر طال
شال علم الاهلي وراح وراه بعيد
شاب في بدايه عمره سافر ورا فريقه بورسعيد
قال دا ماتش كوره وفريقي محتاج تشجيعي اكيد
سلام يا ابويا سلام يا امي دي محافظه في بلدي ومش هغيب
مع السلامه ياولدي وان شاء الله يكسب دا فريق قوي وعنيد
راح الولد يشجع وقال اقول وأعيد ولا غيره يفرح نصره في قلبي عيد
لو مش هشجع أكون ميت أكيد
قالها واتقتل ومات الشهيد
ايوا شبابنا راحوا غدر في بورسعيد
رجع علم الاهلي متزين بالدم
ايوا روحتوا وسيبتولنا الحسره والغم
ماتت فينا حاجات كتير كفايه الشعور بالهم
لكن بنرفع بيكم راسنا لان ذكراكم بتصحي الشوق والحنين
انتوا اللي بيكم الاهلي عليي اسمه لفوق وبيدعولكم بالرحمه الملايين
مهما نعيش ونشوف مش ناسيينكم في الجنه ياارجل اربعه وسبعين
