بقلم /كيرلس يوسف
متخافش يا نيل يا حياتنا يا أصل ارضنا
متخافش يا نيل كرامتك من عرضنا
متخافش وازاي نفرط في حته مننا
ايوا مصر هبه النيل ودي نعمه من ربنا
يا نيل مصر يا إلهام الكتاب والشعراء وفخر المصريين
ياقوتنا وعزتنا تاج فوق راس الملايين
ايوا اول مره من زمان نسمع انك ممكن تضيع
اوعي تنخدع من كلامهم وتفكر اننا في يوم ممكن نبيع
غنينا وقولنا فيك مواويل اوعاك في يوم منا تشيل
او حتي من تصرفاتنا واهمالنا تزعل او عننا تميل
يامصر يا مهد الحضاره يابلد الفراعنه والعظمه
نيلك في خطر اوعي في يوم تبقي ساكته
اجدادنا قالوا لو قل منسوب النيل يسرع الجنود لتحريره
مستحيل احنا دلوقتي نسيبه نفرط ونبيعه
اطمن يا نيل لو ضيعت مننا يبقي منستاهلش نعيش
اطمن هتفضل تسري في قلبنا يانبض حياتنا بدونك الحياه متمشيش
لو ضعت مننا يبقي منستحقش نعيش
