رثاء الى ابو وليم

سلامة قلبك يا ابو وليم
سلامة قلبك الطيب يا ابو وليم
الرجولة في ابهي صورها الرجل الجدع صاحب المواقف الذي يجمع بين الشئ ونقيضه بين القسوة علي الايام والظروف وبين الطيبه لكل من حولة وقلبك الحنون مع اطفالك اللي عمرك ما زعلتهم بس زعلتهم مرة واحدة زي ما قالت بنتك وهي باكية بعتاب عمرك ما زعلتني يا بابا لكن الزعلة دي كبيرة قوي انك تسيبنا وتمشي وكأنه ليك يد بقضاء الله ونعم بالله كنت مثال للاب والاخ والابن البار حتي اليوم اللي اتوفيت فيه كنت رايح تكشف ل امك استنيتك كتير يا ابو وليم علشان ميعاد الكشف معرفش انك مش جاي تكشف واني انا اللي رايحة البلد احضر العزا 😔😔

طُوبَى لِلرَّجُلِ الَّذِي لَمْ يَسْلُكْ فِي مَشُورَةِ الأَشْرَارِ، وَفِي طَرِيقِ الْخُطَاةِ لَمْ يَقِفْ، وَفِي مَجْلِسِ الْمُسْتَهْزِئِينَ لَمْ يَجْلِسْ.” (مز 1: 1).

كنت في حالك وبتفرق بين العزلة عن الناس وعدم المبالغة
والقرب وقت الازمات

وكأن كلمات تشرف اي حد علشان راجل بجد اتكتبت لك، توب الرجولة غالي وانت من الرجال اللي لبسوا جلبية وحافظوا علي قيمتها، مليون تحية لابو جلبية، طول عمرك قوي و قد المسؤلية رغم انك انسان بسيط ووديع القلب

“«طُوبَى لِلْمَسَاكِينِ بِالرُّوحِ، لأَنَّ لَهُمْ مَلَكُوتَ السَّمَاوَاتِ.” (مت 5: 3).

كل كلمات التعزية غير كافية فالمصاب جلل والالم عظيم والحزن عميق ولا نملك سوي التسليم الكامل لارادة الله

“وَلَمَّا لَمْ يُقْنَعْ سَكَتْنَا قَائِلِينَ: «لِتَكُنْ مَشِيئَةُ الرَّبِّ».” (أع 21: 14).

يارب من عندك الصبر والتعزية والسلام الداخلي تحنن علي قلوب محتاجة التعزية

“طُوبَى لِلْحَزَانَى، لأَنَّهُمْ يَتَعَزَّوْنَ.” (مت 5: 4).

يارب التعزية والصبر ل امه واخواته ومراته واولاده وابناء عمومته واهله واقاربه جميعهم
وجيرانه واصحابه وكل محبيه
الكثيرين جدا
الناس اللي بيحبوك كتير يا وائل المسلمين قبل المسيحين البلد كلها حزينة عليك
اسفة لكلمة مسلمين ومسحيين ولكن اللي شفته وسمعته في العزا كتير وجب التوضيح وليس التفريق

عزاؤنا انك في مكان افضل
روحك الطاهرة وذكراك العطرة لن تفارقنا

ذكرى الصديق تدوم الى الابد (سفر المزامير 112: 6)

بقلم بنت عمك/ سحر نبيل
وكل اهلك ومحبيك/ الي روحك الطاهرة
مع سلامة يا وائل الي ان نلتقي🤚

رثاء