انا اسف بقلم كيرلس يوسف

بقلم /كيرلس يوسف

اسف لحلم حلمته ومجاش

اسف علي عمر عدي وضاع

اسف علي صاحب استجدعته وباع

علي حب مشي ومستناش

علي صوت الحق اللي مات

علي جدعنه راحت ولا جات

مش فاضل مني غير حبه حاجات

حبه صور في دماغي بتمر شريط

انك تلاقي حب من غير مقابل تبقي عبيط

حبه واسطة ومحسوبية تبقي تمام

لو بعت نفسك عشان منصب دا الكلام

مش عارفين ان حياتنا فتره و هتمر مرور الكرام

سيرتك بس اللي بعد موتك هتعيش

الدنيا وفلوسك ومركزك متساويش

انهارده اسمك ظاهر بكره يتقال المرحوم كان.

الباقي من دنيتك فعلك غير كده متلاقيش

اوعي تتغر وتنسي ان الدنيا متساويش.

لتعيش راجل وتحب الحق لا بلاش تعيش

واوعي تنسي ان الدنيا متساويش