أخبار محليةعاجل

نقلا عن أطباء العزل أعراض كورونا وطرق العلاج

السيد بكري

لاقــــــــــــــــــــــــــــــــــــــدر الله
ظهرت عليك اعراض من اللى هقولها دى اتعامل انها كورونا ما تحاولش تثبت العكس اتعامل انها كورونا وخد علاج واتعزل ف البيت
كلنا هيجيلنا واكتر من ٨٠ ف المية هيخف من غير مشاكل وهتكون اعراضه بسيطة ولاحظ فقدان حاسه الشم والتذوق
الأعراض والعلاج المتبع للناس الي بتسأل
١- اسهال خد انتينال أو فلاجيل اول جرعة قرصين وبعدين قرص كل ٨ ساعات لو طفل يبقى انتينال شراب تلات مرات ف اليوم
٢ – صداع وتكسير بالجسم وارتفاع ف درجة الحرارة هناخد باندول الازرق تلات مرات ف اليوم او ادول تلات مرات أو سيتال أو بارسيتمول تلات مرات ف اليوم هاخده بشكل منتظم ع الأقل اربع ايام مش وقت ظهور الأعراض بس
٣- وجع ف البطن هاخد بسكوبان أو فسيرلجين تلات مرات ف اليوم
٤ كحة ناشفة هاخد نوتسيل ١٠ سم مرتين يوميا وتلفاست قرص بليل عند النوم
٥_ لو الأعراض بتاعتى زايدة شوية بمعنى الحرارة عالية اكتر من ٣٨ ونص والكحة متوصلة هنزود مضاد حيوى زيثرومكس ٥٠٠ قرص يوميا لمدة تلات ايام
٦ – لو حسيت أن صدرى مكتوم هجيب جهاز الجلسات واعمل جلسة اتروفنت ف البيت
فنتال بخاخ عند اللزوم
٧ اعراض مؤكدة للإصابة فقدان الشهية وحاسة الشم والتذوق
مهم جدا للمريض أنه يأكل كويس قاوم وكل مش قادر ممكن ناخد فاتح شهية ديجستين قرص قبل الاكل بربع ساعة
٨ اشرب سوائل كتير الفيروس ده بيعمل جلطات اشرب ع قد ما تقدر طول ما انت قاعد اشرب بالله عليك عصاير كتير ودافى كتير

لو وزنك كبير او عندك امراض مزمنة زود ع العلاج اسبوسيد عشان نقلل نسبة حدوث جلطة
لو فيه امكانية نتابع سيولة دم او ممكن ناخد كليكسان أو كالهيباربن حقنة يوميا تحت الجلد خصوصا للناس اللى وزنها كبير وعندها امراض مزمنة (مراجعه الطبيب اولا)
9 لو حد اعراضه زيادة وراح الحميات هيدوله ostemavir ده علاج مضاد للفيروس بيتاخد قرص كل ١٢ ساعة

قد يكون عندك كورونا وتخف من غير اى علاج بس التزم بالعزل والأكل الكويس كله خضار مسلوق وفراخ مسلوقه حجات خفيفه وشرب السوايل الدافى اهمهم يانسون بلمون والنوم الكويس والتعرض للشمس نص ساعه يوميا

الأعراض دي كلها يا جماعه مش بتيجي مره واحده الأعراض بتبدأ بفقدان الشهيه وفقدان حاسه الشم والتذوق وبعدين السخونيه والاسهال وتكسير الجسم والصداع..
الأعراض مختلفه من شخص للتاني فيه ناس مش بتجي لها سخونيه وفيه ناس مش بتجي لها اسهال وفيه ناس بتجي لها ترجيع ومغص فا احنا نزلنا كل الأعراض إلى ممكن تبجي والعلاج إلى ممكن نزوده لكل حاله…

الأعراض شبه أعراض البرد العادي بس في ظل الازمه إلى بنمر بيها بنعامل كل حالات البرد انها اشتباه في كرونا ونعزلها ونبدأ معها بالعلاج كنوع من أنواع الوقايه بدل بهدله المستشفيات…
الأسبرين والاسبوسبد الأطفال بناخده لاذابه الجلطات مش في كل الحالات الحالات إلى عندها ضيق تنفس بنعمل لها تحليل D-Dimer

وبنديها ادويه السيوله علشان تدوب الجلطات الصغيره إلى بتتكون في الرئه وبنديه برضه للناس الي وزنها زايد عن الطبيعي لأن بيبقى عندهم ضيق في الشرايين نتيجه تراكم الدهون الثلاثيه علشان نتفادي تكون الجلطات يعني ادويه السيوله بتتاخد بعد عمل التحليل وبمراجعه الطبيب مش لأي حد…

الناس الي سألت على تقويه جهاز المناعه بدون أصابه زنكترون قرص كل يوم وسي ريتارد قرص كل يوم وفايتمن ب ١٢ قرص كل يوم مع كوبين من اليانسون بلمون دي الحاجات الي ممكن تاخدها كنوع من أنواع الوقايه…

اي مكان فيه حاله مصابه بنعقم ببخاخه فيه لتر مابه على فنجان كلور ونرش الباب السلم أو جوه البيوت والحمامات الكلور معقم لكل الأسطح سواء في العماير أو جوه البيت علشان الناس الي بتقول جراني عندهم ومش عارفين نعقم العماره ازاي ترش كلور في مد مكان والجيران حد يشتري لهم الطلبات ويسيبوها قدام الباب ويتواصل معاهم تلفونيا ويجيب لهم العلاج علشان يفضلوا معزولين وميخرجوش…

التحاليل صوره الدم كامله وسرعه ترسيب وCRP وانزيمات كبد ووظائف كلي وفرتين
دي التحاليل إلى بتتعمل بعد مرحله التعافي للتأكد من أن كل القيم أصبحت طبيعه والشخص تعافي تماما من المرض…

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: