أدب وشعر

قصيده بعنوان فضفضة

كلمات الشاعر/ ممدوح نصر

نفسى اقولك أيوه أقولك
وأحكى عن حبى وحبك
نفسى أتكلم وأفضفض
والكلام يوصل لقلبك
نفس أقولك بعلو صوتى بحبك
وأرحمينى وأرحمى نفسك
وأتخلى عن قساوتك وعيندك
نفسى أقولك كلام كتير
وإشتياقى أكبر دليل
حبيتك وعشقتك وليكى قلبى بيميل
ومعاكى ما عرفت اليأس ولا المستحيل
صدقينى كنت صادق فى كل كلمه قلتهالك
وكل همسه همستهالك
وكل أحاسيس ومشاعر وصفتهالك
حتى الرسايل الى من قلبى كتبتهالك
طالعه من جواى عشانك
صدقينى وإسمعينى
واوعى يوم تكذبينى
الى جابنى ليكى أشواقى وحنينى
ولو فكرتى تبعدى
بلاش بحروفك تقتلينى
وأرحمينى ما تعذبينى
وأرجوكى أفتكرينى
ومافى يوم تظلمينى
دنتى سندى
وحبى الى اتكتب على جبينى
حسسينى بيكى حسسينى
وبلاش تهجرى وتسيبينى
وزى ما بسمعك إسمعينى
وأفهمى منى وفهمينى
وليكى أكتر قربينى
ومهما حصل بينا
ما تفرقيش بينك وبينى
دنتى لو لفيتى العالم
زى حبى مش هتلاقى
وأتمنى ما تجرحينى
وأوعدك حبك فى قلبى باقى
وانتى برضوإوعدينى
فى كلامك تفكرى
قبل ما بيه تدبحينى
وبالإتهامات ترمينى
وأعرفى إنك كنتى ولسه
القمر الى بينورحياتى وسنينى

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: