أدب وشعر

عيد الأم

كتب:  مسيو احمد الصعيدى

قالوا عيد الام قرب

امك ايه هتهديها

قلت

يتيم وفى عيد الام مفيش أمى

راحت وخدت فرحتي وزاد غمى

وقلبي موجوع و محدش

غيرها يشيل همى

كنتي يا امي فى الفرح

والحزن تضمى وتسمى

ماتت وراحت للخلود أمى

يتيم وفى عيد الام مفيش أمى

على مين ياست الكل سيبانا

كنتي شجره تضل الكل

وبالمحبة جمعانا

ورمانه مزان في البيت وإيانا

نطلب تلبى وتحسى باللي جوانا

وعايشين بحسك وبدعاكي سترانا

كنتي يامي حبيبتي وغرامي

ورضاك سند لي في مر ايامى

يتيم وفى عيد الام مفيش أمى

رحتي يامي وراحت فرحتي معاكي

يوماتي ابكى وافتكر قعدتي معاكي

ايام كانت حلوه وكنا بنهواكى

كنتي تقولي انتو زرعتي وطيني

ونور الطريق لي ونور عيني

وانت واخواتك عزوتي وناسي

واديكي رحتي وشربت

انا من المرار كاسى

وأخواتي اتفرقوا بعدك

وفقدت إحساسي

وحشاني وفى عيد الام زاد

المى وبعادك على راسي

يتيم ألام حي في الهم بيقاسى

يرحمك ربى يا حبيبتي وتاج راسي

وبالقران انا يذكرك دايما

ومش ناسي

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: