أدب وشعر

 أنا بحبك 

بقلم / سامح فكري رتيب

أنا بحبك أنا موجود سكنت قلبي اللي مالهش حدود
عشقت قربك أنا مسنود و الفوز بحبك أنا موعود
شمسك بتشرق جوه العيون و الفراق ما بينا يهون
نهر حبنا يجري جوه القلوب و يدوب قلبي بنظرة العيون
و بلمسة منك تزيح الهموم و تحيي بكره و تحلي اليوم
رفيقي في ليل النجوم و صديقي و شمسي في نهار الغيوم
أنا بحبك أنا معشوق و قلبي بحبك طاير في السما فوق
بهمسة تطمين القلوب و بنظرة تشعل نار الحنين و الشوق
و من كتر الدمع جفت العيون و بحبك آلمي عليا يهون
بحبك حبيبي و عمري ليك و دا الفرح بقربك مضمون
دا أنا من كتر فرحي بكيت و بحبك علي أوتار العود غنيت
لو لاقيتني في يوم غنيت اسمع غنايا دا أنا خلاص حبيت
و أنا بحبك أنا موجود و علشان حبك عديت ألاف القلوب
و حبك عليا مكتوب و كاس الشوق و العشق جوايا مسكوب
ياللي دخلت القلب و دخلت الحب معاك و فتحت للنور أبواب
و خليت حياتي بعد السواد ألوان لو قلت عاشق مش كداب
و دخلت قلبي مدرسة الحب علمته أزاي يشتاق إليك عن قرب
و حصنت قلبي بحبك و عملت بين قلبي و قلبك لينا درب
و أنا بحبك أنا مجنون و روحي بحبك ترفرف في السماء
كلمة حبيبي كلها أشواق تعطي القلب حياه دا مش مجرد نداء
أنا كنت معلقا بين الحياة و الموت و بحبك كسرت تبوت الموت
و خلعت عن قلبي توب الأحزان و نهيت حالة الحداد و السكوت
و جعلت حبك في قلبي يدوم و أنا احبك غدا و احبك اليوم
و رسمت الفرحة في قلبي بعد وجع الآلام و نورت بحبك بعد الغيوم
و خليت قلبي يقول أنا بحبك أنا موجود

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: