بمناسبه نتيجة الثانوية العامة 

كتبت: ولاء نصاري

الاسم: شادى إلهامى أمين مصطفى
الحلم : يدخل كلية هندسة
العائق: مريض سرطان عايش ٣ ثانوى فى مستشفى السرطان
شادى خرج قبل الامتحانات ب ٣ شهور اللى هو فترة المراجعة لا يعرف حرف عن منهج ثانوية عامة اللى بقالها شهور شغالة .. قرر يبدأ السنة ويدخل الامتحانات كان صعب نعمله لجنة خاصة علشان عايزة موافقة وزارة وليلة كبيرة
شادى بدأ دروس واتحدى نفسه وذاكر ومدرسين كتير وقفوا جنبه وساعدوه بس محدش كان عنده مجرد أمل إنه ينجح حتى بالرغم إنه كان بيستجيب جدا مع المدرسين اللى مش قمة طبعا عشان مافيش مدرس قمة قبل يدخله معااه…
شادى ذاكر دخل الامتحانات كان بيمتحن فى فصل لوحده عليه ٣ مراقبين كان بيخرج من المستشفى الكانولا فى ايده يروح الامتحان يمتحن يرجع ياخد كيماوي
كان بيغمى عليه فى الامتحان يفقوه يكمل الامتحان ويخرج أول ما الوقت يخلص
شادى نجح وجاب مجموع والجامعة البريطانية زارت المستشفى وشافت الحالات المريضه اللى كانت فى ٣ ثانوى وجايبين مجموع واديتهم منحة دراسية كاملة فيها
شادى راح عمل الاختبارات بتاعه كليه هندسة فى الجامعة البريطانية. ومستنى النتيجة
الجامعه كلمتنى يوم الاتنين الساعه ١٢ بليل علشان يقولولى ان شادى نجح ومش عارفين يوصلوله كلمت شادى فى المستشفى قولتله عندى مفاجاه ليك هقولهالك بكرا اما اجيلك
روحتله بدرى جدا على عكس اى يوم قولتله شادى انت قبلت فى كليه الهندسه
بس للاسف مات شادى فى نفس اليوم الللى عرف فيه انه حقق حلمه في أغسطس 2014
مات شادى قبل دخول الجامعه باقل من شهر
مات شادى وشهادته فى درجه
ماتزعلوش على المجموع المهم ان ولادكم بخير
نقول تاني إن الثانوية العامة مش آخر المطاف ؟؟؟؟؟؟؟؟؟؟