عاجلمقالات

محامى الغلابة بسوهاج يوجه النصائح لطلاب كليات الحقوق والمحامين المبتدئين

 

 

بقلم عاطف ابو القاسم _ المحامي بالنقض

والإدارية العليا بسوهاج والقاهرة

 

١- اوعى تكون بتدرس حقوق و تخرج تشتغل أي حاجة غير المحاماة هتبقى ضيعت أهم فرصة في حياتك.

٢- المحاماة مهنة الفن والمتعة والرقي والإبداع.

٣-لو لسه متخرج و جايلك شغل ب 10.000 جنيه في الشهر ارفض و انزل اتدرب في مكتب محاماة ب 300 جنيه في الشهر و في الآخر هتكسب.

٤-لو انت مش ( باشا في نفسك ) يبقي مينفعش تبقي محامي.

٥-لو انت كسول او مش عايز تشغل دماغك او مبتحبش الشغل الكتير يبقى متكملش البوست و روح اشتغل كاشير في سوبر ماركت بسمة أمل.

٦-الشغل في النيابة العامة و الإدارية و مجلس الدولة و هيئة قضايا الدولة حاجة جميلة و مرتبات كويسة بس المحاماة اعظم و فلوسها أكتر.

٧-انت و وزير العدل متخرجين من نفس الكلية.

٨-الأستاذ/ فريد الديب اغني من وزير العدل.

٩-مرتب النائب العام في سنة كاملة ممكن المحامي يكسبه في قضية واحدة.

١٠-المحامي بيقبل الملفات اللي على مزاجه و يرفض الباقي لكن النائب العام ميقدرش يعمل كده.

١١-متتجوزش غير لما يبقى ليك اسم و بتعرف تجيب فلوس.

١٢-الخبرة مش بالسن و جيل الشباب دايماً أشطر من الجيل الي قبله ( العب علي النقطة دي هتكسب ).

١٣-اللي يقولك لازم تصبر خمس سنين من غير فلوس علشان تتعلم دا عايز يستغلك او بيفتي.

١٤-اشتغل ليل و نهار لحد ما توصل للي أنت عايزه او لحد ما تموت ايهما اقرب ( هتوصل متخفش).

١٥-لما ربنا يكرمك بقضية كبيرة جرب تقول قبل الرول بتاعك ( رَبِّ اشْرَحْ لِي صَدْرِي وَيَسِّرْ لِي أَمْرِي وَاحلُلْ عُقْدَةً مِّن لِّسَانِي يَفْقَهُوا قَوْلِي) هتعمل مرافعة محصلتش في التاريخ.

١٦-لو قابلت أستاذ من اساتذتك خصم في قضية احترمه كامل الإحترام و بعدها انتصر عليه بشطارتك.

١٧-امتى تعرف انك بقيت افضل محامي ؟ لما تخرج من قاعة المحكمة وكل الناس بتبصلك بإنبهار و تبتسم.

١٨-لو حد ( غلبان ) قصدك في مشكلة متاخدش منه فلوس.

١٩-متضيعش دم حد و متضيعش مال يتيم.

٢٠-هتخسر كتير لو مشتغلتش محامي.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: